Salip iti Desinio ti Medalion ti Bucaneg, Florentino Awardees

Adda kadi pampanunotem a napintas a desinio ti Medalion a mayukkor kadagiti mapadayawan a Pedro Bucaneg ken Leona Florentino Awardees ti GUMIL Filipinas (GF) itoy a tawen?

Silulukat ti salip kadagiti amin a kameng ti GF (mangipatulod iti pammaneknek ti Secretary-General). Agpada ti desinio ti Medalion a para iti dua nga awards. Maysa laeng a desinio ti isalip ti kada kameng, wenno mabalin met ti grupo. Nasken a maawat ti GF Awards Committee ti isalip a desinio iti di naladladaw ngem Pebrero 29, 2012. Ipatulod ti desinio agraman ti palawag no apay a kasta ti isalip a desinio iti gf_awards2012@yahoo.com wenno iti GF Awards, c/o Bannawag, Manila Bulletin Publishing Corp., Muralla cor. Recoletos Sts., Intramuros, Manila.

Maysa laeng ti mangabak nga umawat iti P1,500.00.

Esponsoran ni Mrs. Nenita F. Baclig, kaingungot ni ret. Judge Vivencio S. Baclig, presidente ti GUMIL Filipinas, ti nasao a salip.

(Naipablaak iti Bannawag, Pebrero 20, 2012 a bilang.)

This entry was posted in ilokano writers, literary awards, writers' group and tagged , , , , . Bookmark the permalink.



Leave a Reply

Your email address will not be published. Required fields are marked *