Tallopulo ket pito a sarita ti naawat ti ALVIYA Secretariat para iti Umuna a Pasalip ALVIYA iti Sarita nga esponsoran ALVIYA Literary Foundation babaen ken ni Alex Vicente Yadao ti New York, USA. Kuna ti Secretariat a “nalabon ti apit iti daytoy umuna a panagani ti ALVIYA.”
Dagiti paulo dagiti naisalip a sarita agraman parbo a nagan dagiti autor:
- Dagiti Giteb iti Barukong ni Pree T. Boy
- Anak ti Marag ni Illong A. Manilenio
- Gapu’t Diablo nga Imbalatko, Ginunggonaannak Nagadu ti Apo ni Sagat M. Avalse
- Leksion ni Toe Knee
- Edmund ni R. R. Castillo
- Rangtay ni Charize Charleen
- Sangol ni Agusan Del Norte
- Saan Pay a Naladaw ti Amin ni Sweet_Mom
- Inlaksid ti Bukod a Kadarana ni Ribera
- Daydi Bunga ni Celle
- Ay Kabsatko ni God’s Army
- Essem ken Ayat ni Frances Jewel Rose
- Gasat ni Tatang ni Eve
- Karit ni Patay ni Neetsie
- Biag Babaen ti Biag Iti maysa a Nawara a Pamilia ni Lheo_Xhan
- Naglunit a Silap ti Lua ni Arielle
- Paset ti Biag ni Emma ni mx Pink 27
- Diak Man Ninamnama ni Maria Therese Galicanao
- Pannakaamiris ni AQR
- Nagbaliwen ti Panawen ni Jackie Bagbaga
- Bileg ta Ayatmo ni TM
- Suminan ni Manong ni Janaug
- Kalpasan ti Panagsagaba ni Batzar, R.A.
- Rangtay ni Arapaap
- Dagiti Agkaskasera, Ti Kari ken Daton ni Allos Bulosan, Jr.
- Bayad ti Dayaw ni Angeleigh
- Ti Pungdol iti Biag ni Baniaga Vida ni Vida Vera
- Iti Likudan ti Witiwit ni Camiguin Boy
- Dagiti Nangabak ni Finish Line
- Idi Agresidente ni Oppong iti White Plains Subd. ni Time Bandit
- Dagiti Sabong ni Reyna Padaya ni Anib T. Isaias
- Parola ni AwanParbo A. Naganna
- Ti Balediktorian ni Mina Bel
- Ingel ti Dara ti Talunasan ni An-anabo T Ylokos
- Zenaida ni Fred campos
- Ti Pangngeddeng ni Tatang ni Apagdarikmat Nga. Anges
- Linas ti Adayo a Taeng ni Miles Away
Maarisit dagiti naisalip a sarita ket mapili dagiti tallo a kapipintasan a pakaipaayan ti P15,000.00, P12,000.00 ken P10,000.00, kas panagsasaganadda, a papremio. Iyawatto a mismo ni ALVIYA President Alex V. Yadao ti premio dagiti mangabak iti Dap-ayan 2012, ti tinawen a kombension nasional ti GUMIL Filipinas a maangay inton April 20-22, 2012 sadiay DMMSU, Sapilang, Bacnotan, La Union. (Freddie Pa. Masuli)