Sarita a Fantasia (Fabtasy Story) ti sumaruno a mataming iti Salip iti Sarita iti maika-8 a tawen (2009-2010) ti Reynald F. Antonio Awards for Iloko Literature (RFAAFIL).
Dagiti pagannurotan:
1. Silulukat ti salip kadagiti amin a mannurat iti Iloko. Aggibus ti salip iti Enero 31, 2010.
2. Agatiddog ti sarita iti 10-20 a panid. Maimakinilia (pica) wenno maikompiuter (agusar iti 12 points, Times Roman Medium wenno Arial Medium) iti doble espasio iti regular bond paper size. Maysa laeng a sarita ti isalip ti kada mannurat.
3. Ti parbo a nagan ti maaramat iti manuskrito a pakisalip. No ipatulod babaen ti email, dua a MS Word document files ti idatag: umuna, ti sarita a pakisalip; maikadua, ti parbo ken pudno a nagan ken ti pakasaritaan ti biag ti autor. No ipatulod babaen ti koreo: uppat a kopia ti entry ti isumite ken pakuyogan iti narikpan a sobre a naglaon iti paulo ti sarita, parbo ken parbo a nagan ken kabibiag ti autor. Ipatulod man babaen ti email wenno koreo, nasken a mangiragpin ti autor iti palawag no kasano, kaano ken no apay a nasuratna dayta a sarita. Saan a pagbatayan daytoy ti pannkahusga ti saritana.
4. Sarita a Fantasia (Fantasy Story) ti suraten ken ipakitana ti kultura ni Ilokano.
5. Nasken nga orihinal, di pay naipablaak, di naadaw iti ania man a sinurat ken di pay nangabak iti ania man a salip iti panagsurat, ti mabalin nga isalip.
6. Agbalin a kukua ti esponsor dagiti mangabak a sarita. Karbenganna pay ti mangedit ken mangipablaak iti Internet (www.rfaafil.com), magasin wenno periodikal a pilina, wenno mangilibro kadagitoy nga awan sungsungbatanna iti autor. Agtalinaed ketdi ti copyright iti autor.
7. Saan a mabalbaliwan ti desision dagiti hurado malaksid no matakuatan kalpasanna a linabsingna ti Pagannurotan Bilang 5. Iti kasta a panaglabsing, maibabawi ti gunggona ket saanto metten a mapalubosan ti autor a makisalip iti ania man a salip nga esponsoran ti RFAAFIL.
8. Dagiti gunggona: Umuna: P10,000.00; Maika-2: P7,000; Maika-3: P5,000.00; Maika-4: P3,000.00; Maika-5: P2,000.00 ken mabalin a manayonan wenno maksayan dagiti gunggona depende iti pangngeddeng dagiti hurado. Addanto pay sertipiko a maited kadagiti mangabak. Maipaay met ti Reader’s Choice Awards iti sarita a magustuan dagiti readers.
9. Mapadayawanto dagiti mangabak iti GUMIL Filipinas Annual Convention inton kalgaw ti 2010.
10. No ipatulod ti pakisalip babaen ti email, iturong iti admin@rfaafil.comThis email address is being protected from spam bots, you need Javascript enabled to view it ken iti rfaafil@hotmail.com.This email address is being protected from spam bots, you need Javascript enabled to view it No babaen ti koreo, iturong iti: SARITA ITI 8th RFAAFIL (2009-2010), c/o Cles B. Rambaud, BANNAWAG, Manila Bulletin Publishing Corporation, Muralla corner Recoletos Sts., Intramuros, 1002 Manila.
11. Nasken a maipatulod babaen ti email wenno maikoreo ti pakisalip iti di naladladaw ngem iti petsa ti panaggibus ti salip.
JULIO 19, 2010
